SBY Kalah...!!!

bang pi'i yang jualan jangkrik di depan esde negeri bojong lagi asyik dengerin radio bututnya di atas dipan depan rumahnya... trus tau-tau dia treak-treak gak terima... marah!
demi ngeliat lakinya uring-uringan gak jelas sambil treak, mpok jenab yang lagi bikin adonan opak langsung keluar, nyamperin lakinya...

+ : "bang... knape bang pake treak-treak ??"
- : "gue kagak trime.. pokoknye gue kagak terime dah..!!"
+ : "apaan yang abang kagak terime ?? kupi bikinin aye kagak enak yah, bang ??"
- : "bukan... bukan ntu, nab ... tapi enih nih, nih radio kurang ajar banget dah...!!!"
+ : "lah, radio disalain.. emang ngape tuh radio ?? gak ade suarenya lagi ? nah ntu kedengeran ada orang yang ngebacot tuh.."
- : "bukannye gak ade suarenya, nab.. tapi justru karna ade suarenye gue jadi kagak trime...!! "
+ : "emang ngapeh bang??"
- : "ntu penyiarnye, moso die bilang kalo SBY kaleh... padahal jelas-jelas gue ikutan ngitungin tuh hasil pemilu kemaren.. gue juge kan liat di tipinya bang mamat yg rumehnya di pengkolan sono klo SBY menang jauh dari si Mega..."
+ : "ah, moso sih bang SBY kalah ?? salah denger kali bang..."
- : "salah denger pegimane ?? emang loe kate kuping gue udeh budeg apah ??!!"
"nah, nih dengerin dah klo kagak percaye..."
suara di radio: "... di kalimantan SBY-Kalla memperoleh suara sebesar satu juta dua ratus ribu..."
- : "nah kan... ape gue kate juga.. moso SBY dikate kalah ama tuh orang.. geblek banget dah...!!"
+ : "yah oloh si abang... ntu orangnye bukan ngasih tau kalo si SBY kalah.. tapi SBY-Kalla... maksute pasangan SBY ame Yusuf Kalla bang..."
- : "heh ?? nyang bener loe, nab ?? eh, iya deng... gue lupe kalo wakile namenya Yusup Kalla..." ---> sambil nyeruput kopi yang tinggal ampasnya doang... :P :P